網紅的藏寶箱今日教《梳乎厘朱古力芝士蛋糕》班，開教室早期，我成日會留意學生嘅手勢，然後學佢哋整，希望整出佢哋會遇到嘅問題，然後喺課堂解釋。
但有一個問題，我當時搵唔到原因，就係點解佢哋會整到「蛋糕表面中間位置，有幾撻深色咗」，於是，我就去觀察每一個學生，終於被我發現到係點解。
依家每次上類似嘅堂，我都會故意整返中間一撻深色出嚟，然後解釋個原因畀佢哋知，我就唔介意專登整到自己果份醜嘅，因為教學唔係表演、亦唔係要影學生嘅成品去幫我宣傳，教學生避免問題，先至係重點。
佢哋跟我學嘢，我發現佢哋嘅問題，互動教學、教學相長就係咁解喇。最後，我一舊都無食過，明明切咗一舊畀自己嘅🤔你哋邊個搶咗好講喇🦁